బజారు పూజలు

వినాయక చవితి జరిపేసుకున్నాము. నిమజ్జనం ఏ గొడవలు లెకుండా జరిగిపోయింది. అంతే అదే గొప్ప మనకు. కాని, ఈ నిమజ్జనం, ఆ తరువాత ఆ విగ్రహాలు పడి ఉన్న తీరు తెన్నులు, కొన్ని రోజులు భక్తితో పూజలు చేసి చివరకు, నిమజ్జనం పేరుతొఎక్కడో ఒక చోట పారేసి రావటం, ఆ విగ్రహాల మీదకు అలంకరణ పేరుతొ ఎక్కి తొక్కి, నానా అసహ్యం చేసి, అదే విగ్రహానికి పూజలు, అరకొరగా నిమజ్జనం. ఇదీ ఆ బజారు భక్తుల ఆగడాలు. బజారు పూజల గురించి వాటిల్లో జరిగే అపభ్రంశపు పనుల గురించి వ్రాద్దాం అనుకుంటున్నాను. కాని నాకు ఆ శ్రమ తగ్గించి, శ్రీ కస్తూరి మురళీ కృష్ణగారు మనందరి మనసుల్లోకి తొంగి చూశారా అన్నట్టుగా చక్కగా ఒక వ్యాసం వ్రాసారు. ఈ కింది లింకు నొక్కిచదవండి.

వినాయక నిమజ్జనం

ఈ వ్యాసాన్ని రాతలు కోతలు బ్లాగులో చూసి వెంటనే ఈ లింకు ఇస్తున్నాను.

ధన్యవాదాలు కస్తూరి మురళీ కృష్ణగారూ. మంచి వ్యాసం వ్రాశారు.

మనకు అనేక మఠాలు, పీఠాలు వాటికి ఎంతో జ్ఞాన సంపన్నులైన మఠాధిపతులు , పీఠాధిపతులు ఉన్నారు . కాని ఏమి లాభం, హిందూ సమాజాన్ని చైతన్యపరిచి, వారిని సవ్యమైన రీతిలో నడిచేట్టుగా చెయ్యటంలో విఫలమయ్యారనే చెప్పాలి. ఇప్పటికైనా, రాబొయ్యే రోజులలో పూజలు, తీరు తెన్నులు, వీటి గురించి ప్రజలకు తెలియచెప్పి ఈ "బజారు పూజల" తంతు తగ్గించి మనుషుల్లో తంతు మీద కాకుండా భక్తిమీద మనసు పెట్టె విధంగా పాఠాలు నేర్ప గలరని ఆశిద్దాం